Erfjord er ei landlege bygd sør i Suldal kommune rundt Erfjorden, Bogsfjorden og Tyssefjorden. Erfjorden er ein arm av Boknafjorden. Namnet kjem av norrønt elri, ‘olderskog’, eller av æõr, ‘ærfugl’.


Frå 1. januar 1914 til 1. januar 1965 var Erfjord ein sjølvstendig kommune i Rogaland fylke. Kommunen blei oppretta då Jelsa kommune blei delt i to 1. januar 1914. 1. januar 1965 blei Erfjord slått samman med Sand og Suldal kommunar samt delar av Jelsa og Imsland til den nye Suldal kommune. Erfjord hadde på dette tidspunktet 610 innbyggjarar.


Erfjord består blant anna av Bog, Erøy, Hålandsosen, Håland, Haugsland, Kilane, Liastolen, Lovra, Natland, Sandvik, Tednes, Tysse, Vik og Østerhus. I Hålandsosen renn Hålandselva ut i fjorden. Hålandselva er lakseførande, men avhengig av stor vassføring for at laksen skal gå opp.

Det er ein matvarebutikk i Erfjord: Joker. Erfjord har skule, barnehage og kyrkje. I heile Erfjord bur det ca. 500 mennesker. Om sommaren øker dette tal med fleire hytte- og båtbebuarer. På Erøy og Hålandsosen finnast gjestehamnar. Hålandstunet, eit av Ryfylkemuseet sine anlegg, ligg i Erfjord. Kvart år i byrjinga av august arrangerast det Erfjordfestival i Hålandsosen.

Den nasjonale turistvegen Ryfylke, Rv. 13, går rett forbi Erfjord. Over Erfjordens smalaste punkt, ved innløpet til Tyssefjorden, går Rv. 13 i hengebru, Erfjord bru. Bruen blei opna for trafikk i 1963, er 294 m lang og har 228 m i hovudspenn. Erfjord ligg omtrent 2 timar køyring frå Stavanger.

Nokre av dei viktigaste lokasjonar i Erfjord er merka på kartet nedanfor.

Vis Erfjord i eit større kart

kjelde:
1. Wikipedia
2. Store norske leksikon (Erfjord)
3. Store norske leksikon (Erfjorden)
4. Ryfylke.com